यसरी मनाईयो योमरी पुन्ही
काठमाडौं । मंसिर पूर्णिमाका अवसरमा बिहीबार नेवार समुदायले योमरी पुन्ही मनाएका छन् । नेवारी समुदायमा यस दिन योमरी (चामलको पीठोबाट बनाइएको र भित्र चाकु तथा तिल राखेर विशेष प्रकारले पकाइएको रोटी) पकाएर खाने भएकाले यसलाई योमरी पुन्ही भनिएको हो ।
यस पूर्णिमालाई नेपालभाषामा थिल्ला पुन्ही पनि भनिन्छ । देशभरका नेपालभाषी योमरी बनाएर देवदेवीलाई चढाइसकेपछि प्रसादको रुपमा आफूहरु पनि खान्छन् । तैपनि यो पुन्ही एकदिनमात्र मनाइँदैन ।
योमरी पुन्हीको भोलिपल्ट नेपालभाषीहरु आफ्ना नातागोता, छोरी, छोरीज्वाइँलाई घर बोलाएर योमरी सहितको भोज खुवाउने चलन छ । त्यसैले यो पर्व नेपालभाषी समुदायमा अत्यन्त महत्वपूर्ण मानिन्छ ।
नेपाल भाषमा ‘यो’ भन्नाले मनपर्ने र ‘मरी’ भन्नाले रोटी भन्ने बुझिन्छ । यसरी सबैलाई मनपर्ने भएकोले यसलाई योमरी भनिएको हो । आज काठमाण्डौ सहित ललितपुर भक्तपुर र नेवार समुदायको बसोबार भएको सबै क्षेत्रमा यो पर्व मनाइएको छ ।