लायन निमा छोकी शेर्पाले आमादब्लम हिमाल आरोहण गर्ने
काठमाडौं । लायन्स क्लब अफ नेपाल सेभ हिमालयका चार्टर सदस्य तथा शेर्पा पर्यटन व्यवसायी संघ नेपालको साधारण सदस्य निमा छोकी शेर्पाले आमादब्लम हिमालको आरोहण गर्ने भएकी छन् ।
दोलखा जिल्ला गौरीशंकर २ की शेर्पाले अटम सिजनमा ६८१२ मिटर उचाईमा रहेको आमादब्लम हिमाल आरोहण गर्ने भएकी छन् । उनले २०१८ को स्प्रिङ सिजनमा ‘बुद्ध नेपालमा जन्मिएको हो’ भन्ने नारासहित सगरमाथा शिखर चुमेकी हुन् ।
शेर्पाले लायन्स क्लब अफ नेपाल शेभ हिमालय र शेर्पा पर्यटन व्यवसायी संघ नेपालको व्यनर पनि आमादब्लम हिमालको चुचुरोमा लगेर जाने छिन् ।
सोमबार लायन्स क्लब अफ नेपाल सेभ हिमालय संघ नेपालको उपाध्यक्ष ङावा ङिमा शेर्पा, शेर्पा पर्यटन व्यवसायी संघ नेपालका महासचिव आङ पेम्बा शेर्पा र शेर्पा पर्यटन व्यवसायी संघ नेपालको सदस्य देण्डी शेर्पाले व्यानर हस्तान्तरण गरेका थिए ।