सरकारले चाडपर्वलाई लक्षित गरी खसी/बोकाको मूल्य तोकिदिएपछि व्यापारीहरु मारमा
सरकारले दसैं, तिहारजस्ता चाडपर्वलाई लक्षित गरेर खसी/बोकाको मूल्य तोकिदिएपछि व्यापारीहरु मारमा परेका छन ।
सरकारले दसैंका लागि प्रतिकेजी ५५० रुपैयाँ खसी/बोकाको मूल्य तोकि दिएपछि काठमाडौं आएका व्यापारीहरु लाखौंको घाटा व्यहोर्न बाध्य भएका हुन ।
फूलपातीको दिन काठमाडौंको भृकटीमण्डवमा भेटिएका व्यापारीहरुले सरकारले आफूखुसी मूल्य तोकिदिँदा आफूहरुले लाखौंको घाटा व्यहोर्नु परेको भन्दै आक्रोश व्यक्त गरेका छन् ।
व्यापारीहरु फूलपातीको दिन भएको खसी व्यापारबाट निराश छन । दसैंका लागि खसी÷बोका भारतबाट आयात नगर्ने सरकारले बताएपनि त्यसमा प्रतिबन्ध लगाउन नसकेकोमा व्यापारीहरुको आपत्ति छ ।
दसैंमा खसी÷बोकाको व्यापारमा घाटा खाएका व्यापारीहरुले सरकारले चिनीको मूल्य भने प्रतिकेजी ७० रुपैयाँ बढाएर १०० रुपैयाँ बनाउने तर मासुको मूल्य भने गत वर्षको जत्तिनै राखेकोमा असन्तुष्टि व्यक्त गरे ।
केही नाफा हुने आसमा खसी÷बोका लिएर काठमाडौं आएका व्यापारीहरु निराश भएर फर्कने तयारीमा रहेका छन । अष्टमीको दिन केही आशातित व्यापार हुने उनीहरुको अपेक्षा छ ।
