प्रसूति गृहमा कुरुवाघर सञ्चालन
काठमाडौँ । प्रजनन् सेवा र शिक्षाको केन्द्रीय अस्पताल परोपकार प्रसूति तथा स्त्रीरोग अस्पतालले बिरामीका आफन्त बस्न कुरुवाघर सञ्चालनमा ल्याएको छ ।
अस्पतालले आफ्नो स्थापनाको ६० वर्षपछि सञ्चालनमा ल्याएको व्यवस्थित कुरुवाघरमा पुरुष बस्न सक्नेछन् । कुरुवाघरमा महिलाका लागि ३५ र पुरुषका लागि ३५ गरी ७० श्यया छुट्याइएको छ ।
अस्पतालका निर्देशक प्राडा जागेश्वर गौतमका अनुसार १० करोडको लागतमा कुरुवाघरको निर्माण सम्पन्न भएको हो । कुरुवाघरमा बिरामीका आफन्तले निःशुल्क रुपमा उपभोग गर्न पाउनेछन् ।
विसं २०१६ भदौ ६ गते ४० श्ययाबाट अस्पतालको सेवा शुरु भएको र हाल विस्तार भई ४८९ पुगेको छ । अस्पतालका कार्यकारी निर्देशक गौतमले अस्पतालमा दैनिक ६६ महिला सुत्केरी हुने र तीमध्ये २१ जनाको शल्यक्रियाबाट हुने गर्दछ ।
