दुई महिला वैज्ञानिकद्वारा अन्तरिक्षमा सँगै हिँडेर नयाँ कीर्तिमान



नासाका अन्तरिक्षयात्री क्रिस्टिना कोक र जेसिका मिअरले सँगसँगै अन्तरिक्षयानबाहिर निस्किएर ‘स्पेसवाक’को नयाँ कीर्तिमान बनाएका छन्। अन्तर्राष्ट्रिय अन्तरिक्ष स्टेशन (आईएसएस) को बिग्रिएको एउटा उपकरण फेर्न उनीहरूले आईएसएसबाहिर सात घण्टा बिताएका थिए।

महिला अन्तरिक्षयात्रीहरू मात्र कुनै यान वा केन्द्रबाहिर निस्किएर अन्तरिक्षमा हिँडेको यो पहिलो अवसर हो। अमेरिकी अन्तरिक्ष निकाय नासाका अनुसार कोक यसअघि चारचोटि अन्तरिक्षयानबाहिर निस्किसकेकी थिइन् तर मिअरका लागि यो पहिलो त्यस्तो अनुभव थियो।

मिअर अन्तरिक्षमा हिँड्ने पन्ध्रौँ महिला हुन्।अमेरिकी राष्ट्रपति डोनल्ड ट्रम्पले उनीहरूलाई भिडिओ कलमार्फत् बधाई दिएका थिए। ट्रम्पले उनीहरूलाई “साहसी र प्रतिभाशाली महिला” भन्दै प्रशंसा गरे।

कोक इलेक्ट्रिकल इन्जिनीयर हुन् भने मिअरले सामुद्रिक जीवविज्ञानमा विद्यावारिधि गरेकी छन्।उनीहरू जीएमटीअनुसार शुक्रवार बिहान ७:३८ बजे अन्तरिक्षयात्रा गर्दा लगाउने विशेष पोसाक लगाएर आईएसएसबाहिर निस्किएका थिए।

उनीहरूले पोर्ट सिक्स ट्रस स्ट्रक्चर भनिने आईएसएसको एउटा भागमा गएर चार्ज डिस्चार्ज यूनिट (बीसीडीयू) फेरे। त्यसपछि उनीहरू बिग्रिएको उक्त उपकरण लिएर फर्किए। आईएसएसलाई चाहिने सामग्री लिएर जाने अर्को स्पेसएक्स ड्र्यागनमा राखेर उक्त उपकरणलाई परीक्षणका लागि पृथ्वीमा ल्याइनेछ।

नासाले गत मार्च महिनामा महिला मात्रै सहभागी हुने पहिलो “एक्स्ट्रा-भीहिक्युलर एक्टिभिटी” अर्थात् यानबाहिरको गतिविधिमा कोक र एन मक्क्लेन संलग्न हुने घोषणा गरेको थियो। तर मक्क्लेनलाई मिल्ने पोसाक उपलब्ध नभएपछि उक्त योजना स्थगित भएको थियो।

रुसकी स्भित्लाना सभित्स्काया अन्तरिक्षमा हिँड्ने प्रथम महिला हुन्। उनी जुलाई २५, १९८४ मा अन्तरिक्ष केन्द्रबाहिर तीन घण्टा ३५ मिनेट बसेकी थिइन्। प्रथम पटक अन्तरिक्षमा हिँड्ने तत्कालीन सङ्घका एलेक्सेई लियोनोभको यही महिना ८५ वर्षको उमेरमा निधन भयो।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
विश्व स्वास्थ्य सङ्गठनबाट बाहिरिने अर्जेन्टिनाको घोषणा

ब्युनस आयस । अर्जेन्टिनाले विश्व स्वास्थ्य सङ्गठन (डब्लुएचओ) बाट बाहिरिने घोषणा गरेको छ

गाजाबाट ‘स्वैच्छिक’ प्रस्थानको योजना बनाउन इजरायली रक्षामन्त्रीको सेनालाई आदेश

जेरुसेलम । इजरायली रक्षामन्त्री इजरायल काट्जले बिहीबार सेनालाई प्यालेस्टिनीहरूलाई गाजा छोड्न दिने योजना

बङ्गलादेशका प्रदर्शनकारीद्वारा अपदस्थ नेतासँग सम्बन्धित भवनहरू ध्वस्त

ढाका । विद्यार्थीहरूले पदच्युत पूर्व नेता शेख हसिनाका पिताको सङ्ग्रहालय भत्काउन सुरु गरेको

पहिलो आइभिएफ कङ्गारु भ्रुण उत्पादन गरेको अस्ट्रेलियाको दाबी

  सिड्नी । अस्ट्रेलियामा आधारित वैज्ञानिकहरूले बिहीबार इन भिट्रो फर्टिलाइजेसन (आइभिएफ) मार्फत विश्वको