महामन्त्री शर्माले भने-सन्दीपको भिसाका लागि वातावरण बनाउन सरकारले उचित पहल समयमै गरेन

काठमाडौं । नेपाली कांग्रेसका महामन्त्री विश्वप्रकाश शर्माले विश्वकप खेल्न जान सरकारले क्रिकेटर सन्दीप लामिछानेको भिसाका लागि पहल गर्न नसकेको बताएका छन् ।

बिहीबारको प्रतिनिधिसभा बैठकमा महामन्त्री थापाले विगतमा आरोप लागिरहेको अवस्थामा मैदानमा उत्रनुहुन्न भनेर भनेपनि अहिले अदालतले नै निर्दोष ठहर गरिसकेकाले लामिछानेले विश्वकप क्रिकेट खेल्न नपाउनुमा सरकार पनि जिम्मेवार रहेको बताए ।

उनले भने, ‘अदालतले निर्दोष सावित गरिसकेपछि सन्दीप लामिछाने विश्वकप खेलिरहेको हुनुपर्थ्यो। आफ्नो खेलाडीको बारेमा अदालतले गरेको फैसला सुसूचित गरेर उनको भिसाका लागि वातावरण बनाउन सरकारले उचित पहल समयमै गर्नुपर्थ्यो।’