सुकुम्बासी समस्या समाधान गर्न महामन्त्री शर्माको माग
काठमाडौं । नेपाली कांग्रेसका महामन्त्री विश्वप्रकाश शर्माले नापी नभएको ठाउँको नापी खोल्न र अव्यवस्थित बासोबासको अन्तका लागि मिति तोक्न सरकारलाई आग्रह गरेका छन्।
प्रतिनिधिसभाको आइतबारको बैठकमा शून्य समयमा बोल्दै महामन्त्री शर्माले सुकुम्बासी समस्या समाधान गर्न आग्रह गरेका हुन् ।
उनले भने,’नापी नभएको ठाउँमा अबिलम्व नापी सुरु गरियोस् । जनताले तिर्न नसक्ने कर घटाएर न्यून गरियोस् । अव्यवस्थित बसोबास र सुकुम्बासी समस्या समाधान गर्ने अन्तिम मितिको सुविचारित घोषणा गरियोस्।’