प्रधानमन्त्री, प्रचण्ड र माधव नेपालबीच मन्त्रिपरिषद् विस्तारबारे छलफल
काठमाडौं । प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र नेकपा (एकीकृत समाजवादी)का अध्यक्ष माधवकुमार नेपालबीच भेटवार्ता भएको छ ।
प्रधानमन्त्री निवास बालुवाटारमा आइतबार बिहान तीन नेताबीच भेटवार्ता भएको हो । भेटवार्ता मन्त्रिपरिषदलाई पूर्णता दिने विषयमा केन्द्रित रहेको बताइएको छ । प्रधानमन्त्री भएको एक महिना भन्दा बढी समय भइसक्दा पनि देउवाले मन्त्रिपरिषदलाई पूर्णत दिन सकेका छैनन् ।
माधव नेपालले पार्टी दर्ता गरेसँगै अब मन्त्रिपरिषद बिस्तार गर्न लागिएको छ । मन्त्रिपरिषदलाई पूर्णता दिने विषयमा माओवादी अध्यक्ष प्रचण्ड र प्रधानमन्त्री देउवाबीच शनिबार पनि छलफल भएको थियो ।