प्रकृया नपुर्याई वितरण गरिएका सदस्यता नरोकिएसम्म महाधिवेशनमा जान सकिन्नः शेखर कोइराला
काठमाडौं । नेपाली कांग्रेसका नेता डा. शेखर कोइरालाले केन्द्रबाट विधि विपरीत थपिएका क्रियाशील सदस्यता खारेज नभएसम्म र पार्टी समायोजनका नाममा प्रकृया नपुर्याई वितरण गरिएका सदस्यता नरोकिएसम्म महाधिवेशनमा जान नसिकने बताएका छन् ।
बुधबार सामाजिक संजालमार्फत कोइरालाले क्रियाशील सदस्यताको विधिसम्मत रुपमा टुंगो नलागेसम्म महाधिवेशनमा जान नसकिने बताएका हुन् ।
उनले भनेका छन्, ‘तल्लो तहबाट विधान र प्रक्रियागत ढंगले आएका, छानविन समितिले मापदण्ड बनाई निर्णय गरिएका बाहेक केन्द्रबाट विधि विपरीत थपिएका क्रियाशील सदस्यता खारेज नभएसम्म र पार्टी समायोजनका नाममा प्रकृया नपुर्याई वितरण गरिएका सदस्यता नरोकिएसम्म महाधिवेशनमा जान सकिन्न।’ कांग्रेसमा क्रियाशील सदस्यता विवादका कारण भदौमा महाधिवेशन हुने नहुने अनिश्चित बन्दै गएको छ ।
