दुई घण्टा ढिलोगरी एमाले संसदीय दलको बैठक सुरु, माधव नेपाल पक्ष आएन
काठमाडौं । नेकपा एमालेको संसदीय दलको बैठक प्रधानमन्त्री निवास बालुवाटारमा सुरु भएको छ । बैठक बिहान ११ बजेका लागि बोलाइएको भएपनि दुई घण्टा ढिलो सुरु भएको छ ।
माधव नेपाल पक्षले भने प्रधानमन्त्री एवं पार्टी अध्यक्ष केपी शर्मा ओलीले बोलाएको बैठक बहिष्कार गरेको छ । फागुन २८ गते अध्यक्ष ओलीले अध्यक्ष र महासचिवबाहेकका सबै पदाधिकारीको जिम्मेवारी खोसेर नेकपा माओवादी केन्द्रबाट आएका २३ जनालाई केन्द्रीय समितिमा मनोनीत गरेपछि एमालेमा विवाद बढेको छ ।
पार्टीको विधानविपरीत पदाधिकारीको जिम्मेवारी खोसिएको भन्दै नेपाल पक्षले राष्ट्रिय कार्यकर्ता भेला गरिरहेको छ । यही समयमा ओलीले संसदीय दलको बैठक राखेपछि नेपाल पक्षले बहिस्कार गरेको हो । नेपाल पक्षले फागुन २८ को निर्णय फिर्ता नलिई कुनै पनि बैठकमा सहभागी नहुने बताएको छ ।
