कांग्रेस पदाधिकारी बैठक बस्दै
काठमाडौं । विकसित पछिल्लो राजनीतिक घटनाक्रमका बिषयमा छलफल गर्न नेपाली कांग्रेसले पदाधिकारी बैठक बोलाएको छ । सभापति शेरबहादुर देउवाको निवास बुढानिलकण्ठमा आज दिउँसो ३ बजे पदाधिकारी बैठक बोलाइएको हो ।
जनता समाजवादी पार्टीले कांग्रेससँग छलफल गर्न समय मागेपछि सभापति देउवाले पदाधिकारी बैठक बोलाएका हुन् । सभापति देउवाले जसपा नेताहरुसँग आज अपरान्ह ४ बजे बैठक राखेका छन्।
सो बैठकमा कुराकानी हुनुअघि देउवाले पार्टीको पदाधिकारी बैठक बोलाएका हुन् । जसपाका नेताहरुले बिहीबार प्रधानमन्त्री केपी शर्मा ओलीसँग भेटेर सरकारलाई समर्थन गर्नुअघि संविधान संशोधन, रेशम चौधरीको रिहाई लगायतका शर्तहरु अघि सारेका थिए भने आज पनि छलफल गर्दैछन् ।
