कांग्रेसको पदाधिकारी बैठक बस्दै
काठमाडौं । नेपाली कांग्रेसको पार्टी पदाधिकारी बैठक आज बस्दैछ । सभापति शेरबहादुर देउवाले दिउँसो तीन बजे पार्टी पदाधिकारी बैठक बोलाएका हुन् । सभापति देउवाको निवास बूढानिलकण्ठमा बस्ने बैठकमा प्रतिनिधिसभा पुनःस्थापना भएको अवस्थामा भावी रणनीति तय गर्ने विषयमा छलफल हुने नेताहरुले बताएका छन् ।
यसअघि बुधबार नेकपाको प्रचण्ड–नेपाल समूहका अध्यक्षद्वय पुष्पकमल दाहाल प्रचण्ड र माधवकुमार नेपालले कांग्रे सभापति देउवालाई भेटेका थिए । उनीहरुले नयाँ गठबन्धन बनाएर अगाडि बढ्न आग्रह गरेपछि देउवाले छलफलका लागि पदाधिकारी बैठक बोलाएका हुन् । उनीहरुसँगको भेटमा सभापति देउवाले पार्टीमा आन्तरिक छलफलपछि मात्रै निर्णय लिने बताएका थिए ।
