संविधानविरुद्ध सेटिङको शासन गर्ने प्रधानमन्त्रीको दुस्साहस खारेज स्वागतयोग्यः गगन थापा
काठमाडौं । नेपाली कांग्रेसका नेता गगन थापाले सर्वोच्चको फैसलाले संविधानको रक्षा गरेको बताएका छन् । संसद पुनःस्थापना गर्ने सर्वोच्चको फैसलापछि समाजिक संजालमार्फत प्रतिक्रिया दिँदै थापाले फैसलाले न्यायालयप्रति जनविश्वासलाई उच्च बनाएको उल्लेख गरेका छन् ।
उनले लेखेका छन्, ‘हामी सवैलाई बधाई ! संविधानविरुद्ध षडयन्त्र र सेटिङको शासन गर्ने प्रधानमन्त्रीको दुस्साहसलाई खारेज गर्दै सर्वोच्च अदालतले संविधानको रक्षा गरेको छ । अदालतले विना भय र दवाव, विवेकसम्मत रुपमा संविधानको पक्षमा दृढतापूर्वक आफूलाई उभ्याउदै न्यायालयप्रतिको जनविश्वासलाई थप उच्च बनाएको छ।’
