‘मिस्टर केपी ओली ! दुई तिहाइ होइन अब तपाइँको जमानत जफत हुनेछ’
काठमाडौं । नेकपाको प्रचण्ड–नेपाल समूहका वरिष्ठ नेता झलनाथ खनालले प्रतिगमनविरुद्धको आन्दोलनको आवाज नसुने २०६२, ६३ को भन्दा ठूलो आन्दोलन हुने चेतावनी दिएका छन् ।
प्रतिनिधिसभा विघटनकाविरुद्ध बुधबार काठमाडौंमा आयोजित विरोधसभालाई सम्बोधन गर्दै प्रतिगमविरुद्ध देशनै आन्दोलित भएकाले त्यसलाई नजरअन्दाज गरिए दुर्भाग्य हुने चेतावनी दिएका हुन् ।
उनले निर्वाचन आयोगका पदाधिकारीलाई प्रदर्शनीमार्गको सभा हेरेर निर्णय गर्न आग्रह गरे । उनले यो जनउपस्थितिले अर्को नेकपा हुन नसक्ने भन्दै प्रक्रिया जेजे मिलाएपनि आधिकारिकता दिन नअलमलिन आग्रह गरे ।
उनले केपी ओलीलाई निर्वाचन गराएर दुई तिहाई ल्याउँछु भन्ने सपना नदेख्न आग्रह गरे । उनले भने, ‘मिस्टर केपी ओली तपाइँका खुट्टी हेर्दै पत्यायौं अब तपाइँले दुई तिहाइ होइन जमानत जफत हुनेछ । अब दुई वर्षपछि यो देशमा चुनाव हुन्छ तपाइँको जमानत जफत हुन्छ ।’ उनले प्रचण्ड र माधव नेपाललाई प्रधानमन्त्री बनाउन आफूहरु लडिरहेको नठान्न आग्रह गरे । खनालले लोकतन्त्रको रक्षाका लािग आफूहरुको लडाइँ रहेको बताए ।
