सरकारका कारण नेपाल विदेशीहरुको क्रिडास्थल बन्योः डा. लोहनी



राजविराज । राष्ट्रिय प्रजातन्त्र पार्टीका अध्यक्ष डा प्रकाशचन्द्र लोहनीले सत्ता लिप्सा र भ्रष्टाचारका कारण देश अराजकतातर्फ धकेलिएको बताएका छन् । सप्तरीको राजविराजमा पार्टीको जिल्लास्तरीय कार्यकर्ता भेलालाई सम्बोधन गर्दै अध्यक्ष लोहनीले सरकार चौतर्फीरुपमा असफल भएका कारण नेपाल अहिले विदेशीहरुको क्रिडास्थल भएको बताएका हुन् ।

ओली सरकारले संविधानमा कतै नभएको काल्पनिक प्रावधान प्रयोग गरि प्रतिनिधिसभा विघटन गरेको कदम पूर्णतः असंवैधानिक रहेको उल्लेख लोहनीले सर्वोच्च अदालतलाई संविधानको सर्वोच्चता कायम गर्ने ऐतिहासिक अवसर आएको उल्लेख गरे ।

लोहनीले नेपालको राष्ट्रियताको जग वलियो वनाउन राज्यका विभिन्न अंगमा आदिवासी, जनजाति,दलित,मधेसी र खसआर्यको समानुपातिक उपस्थिति अनिवार्य रहेको भन्दै यसप्रति हालसम्मका स्वघोषित क्रन्तिकारी सरकारहरुको ध्यान नजानु आश्चर्य रहेको बताए ।

उनले राष्ट्रिय एकतालाई वल पुर्याउन राजसंस्था र नेपाली पहिचानका निमित्त हिन्दूराष्ट्र कायम गर्न संविधान संसोधन आवश्यक रहेको बताए । सभालाई राप्रपाका नेताहरु रामचन्द्र राय, भोला साह, श्याम तिमिल्सिना, जनकराज पाठक, राजु लोहनीलगायतले सम्बोधन गरेका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
एमाले र कांग्रेसको समीकरण बन्न सक्दैनः अध्यक्ष ओली

झापा । नेकपा (एमाले)का अध्यक्ष केपी शर्मा ओलीले अहिले बनेको सत्ता समीकरण स्वार्थसिद्धिका

बागमतीमा ४ दलबीच ५ बुँदे सहमति, हानेपाबाट बज्राचार्य बने मन्त्री

हेटौंडा । बागमती प्रदेशका नवनियुक्त मन्त्री शैलेन्द्रमान बज्राचार्यले पद तथा गोपनियताको शपथ लिएका

इलाम-२ मा मिलन लिम्बूलाई उम्मेदवार बनाउने रास्वपाको निर्णय

काठमाडौं । राष्ट्रिय स्वतन्त्र पार्टीले इलाम क्षेत्र नम्बर २ को उपनिर्वाचनका लागि मिलन

राष्ट्रियसभा उपाध्यक्ष अर्याललले दिइन् पदबाट राजीनामा

काठमाडौं । राष्ट्रियसभा उपाध्यक्ष उर्मिला अर्यालले पदबाट राजीनामा दिएकी छिन् । उनले बिहीबार