हिन्दू राष्ट्रको धरातलमा मात्रै देश विकास सम्भव: कमल थापा



तनहुँ । राष्ट्रिय प्रजातन्त्र पार्टीका अध्यक्ष कमल थापाले धर्म संस्कृति कमजोर बनाइएकाले समाजमा अनैतिक कार्यले प्रश्रय पाएको बताएका छन् । राप्रपा तनहुँले शुक्रबार दमौलीमा आयोजना गरेको झण्डोत्तोलन तथा चुनाव चिह्न अनावरण समारोहमा अध्यक्ष थापाले धर्म संस्कृतिमाथि आक्रमण बढेकाले नैतिकताको धरातल कमजोर बनेको बताए । अध्यक्ष थापाले संसद् विघटनले संवैधानिक जटिलता सिर्जना भएको बताए ।

लोकतन्त्रको नाउँमा विगतमा दलहरुले गलत बीउको बीजारोपण गर्ने काम गरेको आरोप लगाउँदै थापाले नेपाली परिवेश सुहाउँदो प्रजातन्त्रको विकास गर्न आवश्यक रहेकोमा जोड दिए ।

कांग्रेस र कम्युनिष्टको विकल्प राप्रपा भएकाले सनातन धर्म सापेक्ष हिन्दू राष्ट्रको धरातलमा मात्रै देश विकास सम्भव रहेको थापाले बताए । “राप्रपाले सम्बद्र्धनवादको नीति अगाडि सारेको छ, प्राचीन मौलिक परम्परा, संस्कृतिको संरक्षण गर्दै नेपाललाई सबल र समुन्नत बनाउने पार्टीको लक्ष्य हो,” उनले भने ।

कार्यक्रममा राप्रपाका केन्द्रीय कार्यसम्पादन समिति सदस्य एवं पूर्वमन्त्री दुर्गा श्रेष्ठले राप्रपा एकजुट भएकाले कार्यकर्ता पनि एकजुट भएर सङ्गठन निर्माणमा लाग्नुपर्नेमा जोड दिइन् । केन्द्रीय कार्यसम्पादन समिति सदस्य हेमजङ गुरुङले सनातन हिन्दू राष्ट्र कायम गराउनका लागि लाग्नुपर्ने बताए ।
को

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
संसदको विशेष अधिवेशन अन्त्य

काठमाडौं । प्रतिनिधि सभाको विशेष अधिवेशन सोमबार राति १२ बजेबाट अन्त्य हुने भएको

संसद अधिवेशन अन्त्य गर्न सिफारिस

काठमाडौँ । सरकारले प्रतिनिधिसभाको अधिवेशन अन्त्य गर्न राष्ट्रपतिसमक्ष सिफारिस गरेको छ । सोमबार

यी हुन् संसदमा अनुपस्थित एमालेका माधव नेपाल पक्षका २८ सांसद (सूचीसहित)

काठमाडौं । प्रधानमन्त्रीलाई विश्वासको मत दिने क्रममा नेकपा एमालेका २८ सांसद अनुपस्थित भएका

प्रधानमन्त्रीले विश्वासको मत पाएनन्, पक्षमा ९३ र विपक्षमा १२४ मत

काठमाडौं । प्रधानमन्त्री केपी शर्मा ओली संसदबाट विश्वासको मत लिन असफल भएका छन्