नेविसंघद्वारा उल्टो हिँडेर प्रतिनिधिसभा विघटनको विरोध
काठमाडौं । नेपाल विद्यार्थी संघले शुक्रबार उल्टो हिंडेर संसद विघटनको विरोध गरेको छ । नेविसंघका नेता कार्यकर्ताहरु काठमाडौंको माइतीघर मण्डलादेखि नयाँबानेश्वरसम्म उल्टो हिंडेर प्रतिनिधिसभा विघटन गर्ने सरकारको कदमको विरोध गरेका हुन ।
त्यसक्रममा उनीहरुले प्रधानमन्त्री केपी शर्मा ओलीविरुद्धमा नाराबाजी समेत गरेका थिए । नेविसंघका नेता–कार्यकर्ताले प्रधानमन्त्री ओलीले संविधान मिचेर उल्टो बाटोमा हिंडेको भन्दै उल्टो हिंडेर सांकेतिक रुपमा विरोध गरेका हुन् ।
