हिन्दू राष्ट्रको पुनःस्थापनाको माग गर्दै राप्रपाद्वारा काठमाडौंमा मोटरसाइकल र्याली
काठमाडौं । राष्टिय प्रजातन्त्र पार्टी (राप्रपा)ले राजसंस्था र हिन्दू राष्ट्रको पुनःस्थापनाको माग गर्दै काठमाडौंमा बृहत मोटरसाइकल र्याली निकालेको छ । र्याली बबरमहलबाट शुरु भएर थापाथली त्रिपुरेश्वर सुन्धारा रत्नपार्क जमल हुँदै दरबार मार्ग पुगी सभामा परिणत भएको थियो ।
र्यालीमा पार्टी अध्यक्ष कमल थापा, डा.प्रकाशचन्द्र लोहनी र वरिष्ठ नेताहरू समेत सहभागी थिए । राप्रपा एवं उसका भातृ संगठनहरुले यसअघि पनि बिभिन्न जिल्लामा राजसंस्था र हिन्दूराष्ट्र पुनःस्थापनाका पक्षमा र्याली एवं कोणसभाको आयोजना गर्दै आएका छन् । सोही क्रममा शनिबार काठमाडौंमा मोटरसाइकल र्यालीको आयोजना गरिएको राप्रपाले जनाएको छ ।
