संसद विघटनको विरोधमा महिला संगठनहरुद्वारा आन्दोलन घोषणा



काठमाडौं । विभिन्न राजनीतिक दल आवद्ध चार महिला संगठनहरुले संसद विघटनको विरोधमा आन्दोलन घोषणा गरेका छन् ।

बिहीबार काठमाडौंमा अखिल नेपाल महिला संघ (अनेम), समाजवादी महिला संघ नेपाल, अखिल नेपाल महिला संघ र साझा विवेकशील (महिला) संघले संयुक्त रुपमा पत्रकार सम्मेलन गरी सरकारले गैरसंवैधानिक तवरले संसद विघटन गरेको भन्दै त्यसकाबिरुद्ध आन्दोलन घोषणा गरेका हुन् ।

उनीहरुले देशव्यापी जनप्रदर्शन गर्ने, बार एशोसियसनका पदाधिकारीहरुसंग अन्तरक्रिया गर्ने, संविधानविद्हरुसँग छलफल गर्ने कार्यक्रम सार्वजनिक गरेका छन् ।

त्यस्तै संसद आह्वान गर्न संघीय संसद प्रतिनिधिसभाका सभामुख र राष्ट्रियसभाका अध्यक्षलाई ध्यानाकर्षण बुझाइने समाजवादी महिला संघ नेपालकी अध्यक्ष निर्मला यादवले जानकारी दिइन् । उनले संसद विघटन गर्ने कमद असंवैधानिक, अलोकतान्त्रिक, अधिनायकवादी र निरंकुश भएको भन्दै विरोधका कार्यक्रममा सहभागी हुन अपिल पनि गरेकी छन् ।

पत्रकार सम्मेलनमा अखिल नेपाल महिला संघ(अनेम)की संयोजक अमृता थापाले प्रधानमन्त्रीलाई संविधानले नै नदिएको अधिकार प्रयोग गरेर संसद विघटन गर्नु संविधानमाथिको कु भएको भन्दै यसका बिरुद्ध एक हुनुपर्ने बताइन् ।

कोरोनाले मुलुक आर्थिक संकटबाट गुज्रिरहेका बेला संसद विघटनले आधा समय अगावै गर्नुपर्ने चुनावको खर्चले देशको आर्थिक अवस्था थप धरासायी हुने उनीहरुको भनाई छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पर्वतमा कांग्रेसको पार्टी कार्यालयलाई कोभिड अस्पताल बनाईँदै

पर्वत । नेपाली कांग्रेस पर्वतको पार्टी कार्यालय भवनलाई कोभिड अस्पताल बनाइने भएको छ

प्रधानमन्त्रीले बोलाए मन्त्रिपरिषद बैठक

काठमाडौं । प्रधानमन्त्री केपी शर्मा ओलीले आज साँझ मन्त्रिपरिषदको आकस्मिक बैठक बोलाएका छन्

कांग्रेस संसदीय दलको बैठक बस्दै, विश्वासको मत विफल पार्न सांसदहरुलाई निर्देशन दिने

काठमाडौं । प्रमुख प्रतिपक्षी दल नेपाली काँग्रेस संसदीय दलको बैठक आज बस्दैछ ।

सरकारलाई जनताको जीवन रक्षामा ध्यान केन्द्रित गर्न माधव नेपालको आव्हान

काठमाडौं । नेकपा एमालेका वरिष्ठ नेता माधवकुमार नेपालले सरकार कोरोना भाइरस नियन्त्रण गर्न