राप्रपाको केन्द्रीय कार्य सम्पादन समितिमा विजय खड्का मनोनित
काठमाडौं । राष्ट्रिय प्रजातन्त्र पार्टीको केन्द्रीय कार्यसम्पादन समितिमा दोलखाका विजय खड्का मनोनित भएका छन् । खड्का राप्रपाको दोलखा र प्रवास संगठनमा प्रभावशाली युवा प्रतिभा हुन् ।
हाल केन्द्रीय समिति सदस्य रहेका खड्कालाई राप्रपा अध्यक्षहरूले थप जिम्मेवारी दिएका हुन् । राप्रपामा केन्द्रीय कार्यसम्पादन समिति नीति निर्माण गर्ने महत्वपूर्ण अंग हो । मुलुकको वर्तमान अवस्थाको समीक्षा र भावी रणनीति वनाउन राप्रपा केन्द्रीय कार्यसम्पादन समितिको बैठक काठमाडौंमा जारी छ ।
