कुनै पनि हालतमा पार्टी फुट्न दिँदैनौंः देवेन्द्र पौडेल
काठमाडौं । नेपाल कम्युनिष्ट पार्टी(नेकपा) स्थायी समिति सदस्य देवेन्द्र पौडेलले कुनै पनि हालतमा पार्टी फुट्न नदिइने बताएका छन् । आइतबार काठमाडौंमा आयोजित कार्यक्रममा नेता पौडेलले जनताले नै नेकपा एक बनाएको भन्दै जनतालाई निराश बनाएर पार्टी फुट्न नदिइने बताएका हुन् ।
पार्टीका नेताहरुले अध्यक्षद्वयलाई समझदारीमा अघि बढ्न सुझाव दिइएको उनको भनाई छ । पौडेलले औपचारिक रुपमा स्थायी समिति बैठकमा प्रधानमन्त्रीको राजीनामा माग नगरिएको स्पष्ट पार्दै वर्तमान सरकारले राम्रा काम गरेको दाबी गरे ।
उनले प्रधानमन्त्रीले सवै बिषयलाई उचित तवरले सम्बोधन गर्दै पार्टीको समस्या समाधान गर्नुपर्ने सुझाव दिए । पौडेलले अहिले पार्टीभित्र देखिएको बिबाद कार्यबिभाजनको बिषय मात्र भएको तर्क गरे ।
