संविधान संशोधनलाई ‘वार्गेनिङ’को मौका ठानी पार्टीगत एजेण्डा अघि नसारौंः अध्यक्ष थापा
काठमाडौं । राष्ट्रिय प्रजातन्त्र पार्टीका अध्यक्ष कमल थापाले संविधान संशोधनलाई वार्गेनिङको हतियार नबनाउन आग्रह गरेका छन् । मंगलबार ट्वीट गर्दै अध्यक्ष थापाले सार्वभौम अखण्डता सम्बन्धि प्रतिकात्मक बिषयको संविधान संशोधन विधेयकमा सिंगो राष्ट्र एकजुट रहेको स्पष्ट सन्देश दिनुपर्ने बेलामा पार्टीगत एजेण्डा अघि नसार्न आग्रह गरेका हुन् ।
राष्ट्रिय जनता पार्टी, समाजवादी पार्टी, नेपाली कांग्रेसले छुट्टा छुट्टै संशोधन दर्ता गराएपछि थापाले यस्तो बताएका हुन् । उनले लेखेका छन्, ‘सार्वभौम अखण्डता सम्बन्धि प्रतिकात्मक बिषयको संविधान संशोधन विधेयकमा सिंगो राष्ट्र एकजुट रहेको स्पष्ट सन्देश दिनुपर्छ । निशानछाप संशोधन सरकारको मात्र सरोकारको विषय होइन । यसलाई ’वार्गेनिङ’ गर्ने मौका ठानी पार्टीगत एजेण्डा अघि सार्नु ठिक होइन । त्यसको लागि अरुबेला प्रस्ताव पेश गर्न सकिन्छ।’
