काठमाडौँ । राष्ट्रिय सभा सदस्य रामकुमारी झाँक्रीले एक महिलालाई मन्त्री पदबाट हटाएर सोही पदमा पुरुषलाई नियुक्त गरिएको भन्दै कटाक्ष गरेकी छन् ।
सामाजिक संजालमर्फत उनले राष्ट्रिय स्वतन्त्र पार्टी (रास्वपा)मा महिला सांसद हुँदाहुँदै पनि पुरुषलाई मन्त्री बनाइएको भन्दै प्रश्न उठाएकी हुन् ।
झाँक्रीले भनेकी छन्, ‘एकजना महिलालाई मन्त्री पदबाट हटाएर, त्यही पदमा फेरि पुरुष मन्त्री? भो, यो त भएन।’
उनले रास्वपामा महिला सांसदहरू पनि रहेको स्मरण गराउँदै ज्वाला संग्रौला र आशिका तामाङलगायतलाई मन्त्री बनाउन सकिने बताएकी छन् ।
‘रास्वपामा सांसद महिला साथीहरू हुनुहुन्न र ? ज्वाला जी, आशिका जीहरू पनि त हुनुहुन्छ,’ उनले लेखेकी छन् । उद्योगमन्त्री गौरीकुमारी यादवले राजीनामा दिएपछि दीपककुमार साहलाई मन्त्री बनाइएको छ ।
प्रतिक्रिया