पाँच लाख ७० हजार घुससहित इन्जिनियर अख्तियारको नियन्त्रणमा
काठमाडौँ । सघन सहरी तथा भवन निर्माण आयोजनाको कार्यालय, ओखलढुंगामा कार्यरत इन्जिनियर सन्तोषकुमार यादव पाँच लाख ७० हजार घुस रकमसहित पक्राउ परेका छन् ।
खोटाङमा निर्माणाधीन सडकको रनिङ बिल भुक्तानी गर्ने प्रयोजनार्थ घुस÷रिसवत लिएको अवस्थामा इन्जिनियर यादवलाई बिहीबार अख्तियार दुरुपयोग अनुसन्धान आयोगको टोलीले भक्तपुर मध्यपुर ठिमी नगरपालिका–१ लोकन्थलीबाट नियन्त्रणमा लिएको हो ।
