रविसहित सातैजनासँग धरौटी माग, कोसँग कति धरौटी ?(आदेशसहित)
पोखरा । सूर्यदर्शन सहकारी ठगी मुद्दामा जिल्ला अदालत कास्कीले राष्ट्रिय स्वतन्त्र पार्टीका सभापति रवि लामिछानेसहित सात जनालाई धरौटीमा रिहा गर्ने आदेश दिएको छ ।
बिहीबार नीतिज राईको इजलासले लामिछानेलाई ६५ लाख, छविलाल जोहीलाई ८८ लाख, लिला पछाईंलाई ३७ लाख, रामबहादुर खनाललाई १५ लाख, आरती गुरुङ र मीना गुरुङलाई पाँच–पाँच लाख र कृष्ण गुरुङलाई एक लाख धरौटीमा रिहा गर्न आदेश दिएको हो ।
रवि भने धरौटी बुझाए पनि फेरि पक्राउ पर्नेछन् । किनकी उनको काठमाडौं, चितवन, पर्सा र रुपन्देहीमा मुद्दा बाँकी छन् । त्यसैले कास्की प्रहरीले उनी छुटेमा आफूलाई बुझाउन यसअघि नै अदालतलाई आग्रह गरिसकेको छ ।
कात्तिक २ गते पक्राउ परेका रविविरुद्ध सहकारीकासाथै सम्पत्ति शुद्धीकरण र संगठित अपराधको अभियोग पनि लगाएको थियो । उनीसँग सम्पत्ति शुद्धीकरणमा २७ करोड बिगो मागदाबी गरिएको थियो ।
