अब स्नातक तहको प्रश्नपत्र नेपाली र अंग्रेजी दुवै भाषामा
काठमाडौं । त्रिभुवन विश्वविद्यालयले स्नातक तहको प्रश्नपत्र नेपाली र अंग्रेजी दुवै भाषामा तयार पार्ने निर्णय गरेको छ । त्रिविले शुक्रवार सूचना जारी गरी वार्षिक परीक्षा प्रणाली अनुसारका सबै संकायको स्नातक तहका प्रश्नपत्रहरू अंग्रेजी र नेपाली दुवै भाषामा अनिवार्य तयार गर्नुपर्ने जनाएको हो ।
यही चैत १५ गते बसेको त्रिवि प्राज्ञिक परिषद् स्थायी समितिको बैठकले यस्तो निर्णय गरेको त्रिविको विज्ञप्तिमा उल्लेख छ ।
