प्रधानमन्त्री सचिवालयको दाबीः यसवर्ष १० वर्षयताकै धेरै रासायनिक मल भित्रियो
काठमाडौं । सरकारले यसवर्ष १० वर्षयताकै सबैभन्दा धेरै रासायनिक मल भित्रिएको दाबी गरेको छ । प्रधानमन्त्री पुष्पकमल दाहाल प्रचण्डको सचिवालयले किसानलाई समस्या नहुने गरी ठूलो परिमाणमा रासायनिक मल आपूर्ति भएको दाबी गरेको हो ।
प्रधानमन्त्रीको सचिवालयले भनेको छ, ‘सम्माननीय प्रधानमन्त्रीज्यूको निरन्तरको पहल र निर्देशन तथा कृषि मन्त्रालयको सक्रियताले गर्दा विगत १० वर्ष यताकै सबैभन्दा ठूलो परिमाणमा रासायनिक मलको आपूर्ति भएको छ। २०८०/०३/३२ को रिपोर्ट अनुसार ४ लाख ३ हजार ५ सय मेट्रिक टन मल आपूर्ति भएको छ। केही स्थानीय तहमा वितरणमा आएको समस्याबाहेक यो वर्ष मलको समस्या देखिएको छैन।’
