सिंचाइ विभागमा ताला लगाउन पुगेका निर्माण व्यवसायी प्रहरी नियन्त्रणमा
काठमाडौँ । सिंचाइ विभागमा ताला लगाउन पुगेका निर्माण व्यवसायीलाई प्रहरीले नियन्त्रणमा लिएको छ । जावलाखेलस्थित सिँचाइ विभागमा ताला लगाउन पुगेको नेपाल निर्माण व्यवसायी महासंघको टोलीलाई प्रहरीले नियन्त्रणमा लिएको हो ।
निर्माण व्यवसायी आइतबार सरकारी कार्यालयमा ताला लगाई धर्ना दिने तेस्रो चरणको आन्दोलनको कार्यक्रमअन्तर्गत सिँचाइ विभागमा ताला लगाउन पुगेका थिए ।
सरकारले भुक्तानी नगरेको भन्दै केही समयअघिदेखि निर्माण व्यासयीहरू आन्दोलनमा छन् । ताला लगाउन गएका केही निर्माण व्यवसायीहरूलाई प्रहरीले नियन्त्रणमा लिएको छ ।
