कोभिडविरुद्धको खोप लगाउने सरकारी लक्ष्य पूरा गर्ने दिशामा केन्द्रित हुन प्रधानमन्त्रीको निर्देशन



काठमाडौँ । प्रधानमन्त्री शेरबहादुर देउवाले यस वर्षको अन्त्यसम्ममा सबै नागरिकलाई खोप उपलब्ध गराउने सरकारी लक्ष्य पूरा गर्ने दिशामा अगाडि बढ्न निर्देशन दिएका छन् ।

बिहीबार बिहान बसेको कोभिड–१९ संकट व्यवस्थापन समन्वय केन्द्रको बैठकमा प्रधानमन्त्री देउवाले खोप लगाउन योग्य सबै नागरिकलाई खोप दिने प्रबन्ध गर्न निर्देशन दिएका हुन् ।

प्रधानमन्त्री कार्यालयका सचिव महेश्वर न्यौपानेका अनुसार प्रधानमन्त्रीले समन्वय केन्द्र, स्वास्थ्य मन्त्रालय र सम्बन्धित सबै निकायलाई खोपको सुनिश्चितताका लागि निर्देशन दिएका छन् । बैठकमा प्रधानमन्त्रीले भने, ‘खोपमा कुनै कमी नहोस् । दाताहरुसँग त्यहीअनुसार मागौँ, आग्रह गरौँ । बरु आफै खरिद गरौँ । तर, सबै नागरिकलाई सकेसम्म निःशुल्क लगाउने व्यवस्था गरौँ ।’

कोभिड संकट व्यवस्थापनसम्बन्धी अध्यादेश निष्क्रिय भएपछि सरकारले आदेश जारी गर्दै कोभिड–१९ संकट व्यवस्थापन समन्वय केन्द्र गठन गरेको थियो । बैठकमा केन्द्र र स्वास्थ्य मन्त्रालयको तर्फबाट प्रस्तुतीकरण गरिएको थियो ।

बैठकमा स्वास्थ्य मन्त्रालयकातर्फबाट असोज मसान्तसम्ममा एक चौथाइ जनसंख्यालाई खोप उपलब्ध गराउने सरकारी लक्ष्यमा पहिलो डोज पाउने नागरिकको तथ्यांकले कभरेज गरेको बताइएको थियो ।

फाइजर एक लाख डोज आइसकेको र चीनबाट भेरोसेल ४० लाख डोज आउँदै गरेको जानकारी मन्त्रालयले दिएको थियो । अन्य दाताबाट पनि खोप आउने क्रममा रहेको बैठकमा जानकारी दिइएको थियो ।

स्वास्थ्य मन्त्रालयका अनुसार हालसम्म कुल जनसंख्याको ३४ प्रतिशतले कोभिडविरुद्ध खोपको पहिलो मात्रा पाएका छन् भने २२ प्रतिशतले दुवै मात्रा खोप लगाएका छन् ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
भिजिट भिसाको दुरुपयोग गर्नेहरुमाथि कडा निगरानी गर्न गृहमन्त्रीको निर्देशन

काठमाडौं । गृहमन्त्री बालकृष्ण खाँणले भिजिट भिसाको दूरुपयोग नगर्न नेपाली नागरिकहरुलाई आग्रह गरेका

सरकारलाई सिटामोललगायतका अतिआवश्यक औषधि उपलब्ध गराउन सर्वोच्चको आदेश

काठमाडौं । सर्वोच्च अदालतले सिटामोल र पारासिटामोलजस्ता अतिआवश्यक औषधि सहजरुपमा उपलब्ध गराउन सरकारको

गैँडाको मृत्यु भएको सम्बन्धमा छानबिन गर्न कार्यदल गठन

काठमाडौं  । वन तथा वातावरण मन्त्रालयले यही माघ १० गते चितवन राष्ट्रिय निकुञ्जको

निजी क्षेत्रलाई प्रधानमन्त्रीको आग्रहः स्वदेशमै मल कारखानाजस्ता सरकारका प्राथमिकताका क्षेत्रमा लगानी गर्नुस्

काठमाडौं । प्रधानमन्त्री शेरबहादुर देउवाले अफगानिस्तानमा खाद्यान्न सङ्कट र कठ्याङ्ग्रिदो चिसो बढेका बेला