प्रधानन्यायाधीश जबराले राजीनामा नदिए देशव्यापी आन्दोलन गर्ने नेपाल बारको निर्णय
काठमाडौं । कानुन व्यवसायीहरूको छाता संगठन नेपाल बार एसोसिएसनले प्रधानन्यायाधीश चोलेन्द्र शमशेर जबराले राजीनामा दिनुपर्ने निष्कर्ष निकालेको छ । नेपाल बार एसोसिएसनको केन्द्रीय समितिको बैठकले न्यायपालिकाको नेतृत्वमा गम्भीर आरोप लागेको अवस्थामा प्रधानन्यायाधीश जबराले राजीनामा दिएर मार्ग प्रसस्त गर्नुपर्ने निष्कर्ष निकालेको हो ।
प्रधानन्यायाधीश जबराले न्यायालयको स्वतन्त्रता निष्पक्षता आँच आउने काम गरेको भन्दै राजीनामाको विकल्प नरहेको बैठकपछि नेपाल बार एसोसिएसनका महासचिव अधिवक्ता लीलामणि पौडेलले जानकारी दिए । प्रधानन्यायाधीशले राजीनामा नदिए एशोसिएसनले नेपाल राज्यभरका बार इकाईमार्फत आन्दोलनका कार्यक्रम घोषणा गर्न बाध्य हुने पनि महासचिव पौडेलले बताए ।
