ढकाललाई नेपाली साहित्यमा विद्यावारिधि
काठमाडौँ । खाने मुखलाई जुँगाले छेक्दैन, प्रगति गर्ने मान्छेलाई वाधा व्यवधानले कहिल्यै रोक्दैन । यो भनाई ठयाक्कै प्रमाणित गरिदिएका छन् साहित्यनुरागी तथा एकजना व्यस्त कर्मवीर परशुराम ढकालले ।
नेपालमै रहेर केही गर्न खोजिरहेका नेपाली भाषाको पक्षमा शतीसाल झैं उभिदै आएका र नेपाली साहित्यको क्षेत्रमा सधैं वकालत गर्दै, कलम चलाउँदै आएका स्याँग्जाका एक युवा प्रतिभा परशुराम ढकालले नेपाल संस्कृत विश्वविद्यालयबाट नेपाली साहित्यमा विद्यावारिधि पूरा गरेका छन् । ढकालेले “कृष्णप्रसाद पराजुलीको प्रबन्धकाव्यकारिता“ बिषयमा विद्यावारिधि गरेका हुन् ।
ढकालका सहपाठी शेखर दाहालले पनि बौद्ध दर्शन,कौशिला रिसाल र प्रकाशप्रसाद लुइँटेलले नेपाली साहित्य र कैलाश भगत प्रधानांगले राजनीतिशास्त्रमा विद्यावारिधि गरेका छन् ।
दाहालले “विलासबज्रकृताया नाममन्थार्थाबलोकिनीटीकाया ससमिक्ष सम्पादनम“,“रिसालले अश्वघोष विचरित महाकाव्यहरुको दार्शनिक अध्ययन“,लुइँटेलले “इन्द्रबहादुर राईका समालोचनामा तत्सम शव्दको प्रयोग“ र प्रधानांगले “विश्वेश्वरप्रसाद कोइरालाको प्रजातान्त्रिक समाजवाद र कौटिलीय राज्यव्यवस्थाको तुलनात्मक अध्ययन“ विषयमा विद्यावारिधि गरेका हुन् ।
