संखुवासभा सामूहिक हत्याकाण्डः लोकबहादुरका भाइ नरेश पनि पक्राउ
काठमाडौं । संखुवासभाको मादी नगरपालिका – १ उम्लिङ खोलागाउँमा एकै परिवारका ६ जनाको हत्या प्रकरणमा प्रहरीले थप एक जना जनालाई पक्राउ गरेको छ । प्रहरीले हत्या आरोपी लोकबहादुर कार्कीका भाइलाई पक्राउ गरेको हो ।
प्रदेश नम्बर एकका डिआइजी अरुण बिसीले अभियुक्त कार्कीका भाइलाई सोधपुछ गर्न नियन्त्रणमा लिएको जानकारी दिएका छन् । गतसाता ८४ वर्षीय पार्वती कार्की, उनका छोरा ५२ वर्षीय छोरा तेजबहादुर कार्की, तेजबहादुरकी श्रीमती ५२ वर्षकै कमला कार्की, ३२ वर्षीय रञ्जना कार्की, ८ वर्षीय विपिन कार्की र पाँच वर्षकी गोमा कार्कीको हत्या गरिएको अवस्थामा शव फेला परेका थिए।
प्रहरीले नियन्त्रणमा लिएका लोकबहादुरका भाइ नरेशको साथबाट रञ्जनाको हराएको मोबाइल पनि फेला पारेको जनाएको छ । अभियुक्त कार्कीले योजनाबद्ध रूपमा नभएर आवेगमा आएर तत्काल त्यस्तो घटना भएको प्रहरीले बताएको थियो ।
