आफू यी सबै बैठकबाट एमसीसी अनुमोदन हुने आशावादी बनेर वासिङ्टन फर्किँदैछुः फातिमा सुमार



काठमाडौँ । अमेरिकी सहयोग परियोजना मिलेनियम च्यालेन्ज कर्पोरेसन (एमसीसी)की उपाध्यक्ष फातिमा सुमारले एमसीसी सम्झौता नेपाल सरकारकै आग्रहमा आएकाले यो अनुमोदन हुनेमा आशावादी रहेको बताएकी छन् ।

चार दिने भ्रमणमा आएकी उपाध्यक्ष सुमारले स्वदेश फर्किनुअघि आइतबार पत्रकार सम्मेलन गरी यो सम्झौता भएपछि अहिलेसम्म नेपालमा ८ वटा सरकार बनिसकेका र यी सबै सरकारले कार्यान्वयनको प्रतिबद्धता जनाएको उल्लेख गरिन् ।

उनले नेपालले जतिसक्दो छिटो यो सम्झौता अनुमोदन गर्छ त्यत्ति नै नेपालको थलिएको अर्थतन्त्रलाई फाइदा गर्ने उनले बताइन् । उनले यो सम्झौताको कुनै अन्तिम समय सीमा नरहेको पनि बताइन् ।

एमसीसीबारे सरकारले सोधेका प्रश्नको आफूहरुले लिखित जवाफ दिएको भन्दै सुमारले आफैंले भेटेरसमेत राजनीतिक दलका नेताहरूलाई, मन्त्रीहरूलाई, सांसदहरूलाई र नागारिक समाजका अरू मानिसलाई थप स्पष्ट पार्ने प्रयास गरेको बताइन् । उनले आफू यी सबै बैठकबाट आशावादी बनेर वासिङ्टन फर्किन लागेको बताइन् ।

आफूले भेटेका सबै जना एमसीसी नेपालका लागि लाभदायी रहेको र छिटै पास गर्ने बताएकाले आफू आशावादी भएको उनले बताइन् । उनले छिटो संसदबाट तत्कालै पास गर्नुपर्ने कारणबारे बताएको सुमारले जानकारी दिइन् ।

सम्झौतामा एमसीसी संसदबाट पारित हुनु पर्ने उल्लेख भएकाले लागू हुनका लागि संसदबाट पास हुनैपर्ने उनले उल्लेख गरिन् । उनले अमेरिकी जनताका तर्फबाट नेपाली जनतालाई विना स्वार्थ गरिएको सहयोग भएकाले यसमा राजनीति नगर्न आग्रह गरिन् ।

सुमारले एमसीसी कुनै सैन्य रणनीतिको अंग नभएको स्पष्ट पारिन् । उनले हरित उर्जामा नेपालले दक्षिण एसियालाई नेतृत्व गर्न सक्ने क्षमता भएकाले एमसिसीअन्तर्गत बन्ने प्रसारण लाइन त्यसको आधार बन्ने बताइन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
त्रिविको उत्तरपुस्तिका हराएको सम्बन्धमा छानबिन गर्न उच्चस्तरीय समिति गठन

काठमाडौं । त्रिभुवन विश्वविद्यालयले उत्तरपुस्तिका हराएको घटना छानबिन गर्न तीन सदस्यीय उच्चस्तरीय समिति

एमाले र कांग्रेसको समीकरण बन्न सक्दैनः अध्यक्ष ओली

झापा । नेकपा (एमाले)का अध्यक्ष केपी शर्मा ओलीले अहिले बनेको सत्ता समीकरण स्वार्थसिद्धिका

नेपालमा ६० देशका अवैतनिक वाणिज्यदूत

  काठमाडौँ ।  पछिल्लो समय नेपालमा विभिन्न देशका लागि अवैतनिक वाणिज्यदूतको सङ्ख्या बढ्दै

शिक्षा मन्त्रालयका बीस कर्मचारीलाई स्पष्टीकरण, दुई सहसचिवको सरुवा

काठमाडौँ । हाजिर गरी बिना जानकारी कार्यालयबाट बाहिर गएको सम्बन्धमा शिक्षा, विज्ञान तथा