किन आउँदैछिन् एमसीसीकी उपाध्यक्ष नेपाल ?
काठमाडौँ । आगामी साता मिलेनियम च्यालेन्ज कर्पोरेशन (एमसीसी)की उपाध्यक्ष फातिमा जेड सुमार नेपाल आउने भएकी छन् । नेपाल बसाइँका क्रममा उपाध्यक्ष सुमारले प्रधानमन्त्री शेरबहादुर देउवा, नेकपा एमालेका अध्यक्ष केपी ओली, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल लगायत नेताहरुसँग भेटवार्ता गर्नेछिन् ।
हालै एमसीसी उपाध्यक्षमा नियुक्त भएकी सुमारको नेपाल आगमनलाई अर्थपूर्ण रुपमा हेरिएको छ । नेपालले २०१७ मा नै एमसीसी सम्झौतामा हस्ताक्षर गरेको थियो । जसअनुसार नेपालको विद्युत प्रसारण लाइन निर्माण र सडक मर्मतका लागि नेपालले करिब ६० अर्ब रुपैयाँ (नेपाली रकम) पाउनेछ ।
