मीन विश्वकर्माद्वारा दलित संघको अध्यक्ष र कांग्रेस केन्द्रीय सदस्यबाट राजीनामा
काठमाडौं । नेपाली काँग्रेसका केन्द्रीय सदस्य तथा नेपाल दलित संघका अध्यक्ष मीन विश्वकर्माले दुबै पदबाट राजीनामा दिएका छन् ।
महाधिवेशन प्रतिनिधि चयनमा दलितलाई उचित स्थान नदिएको प्रति असन्तुष्टि जनाउँदै विश्वकर्माले महाधिवेशनको मुखमा पदबाट राजीनामा दिएका हुन् ।
पार्टीको निर्वाचन निर्देशिकाले उपत्यकालगायत देशभरका दलित समूदायलाई पार्टी प्रवेश र प्रतिनिधित्वमा पूर्णत निषेध गर्ने देखिएको राजीनामा पत्रमा उल्लेख छ । उनले पार्टीको सिद्धान्त, नीति र आदर्शप्रति भने प्रतिबद्ध रही न्याय, समानता र स्वतन्त्रताका लागि सदैव लडिरहने प्रण गरेका छन् ।
