पार्टी एकता ओलीले प्रधानमन्त्री बन्नका लागि गठी धन्दामात्रै चलाएको पुष्टि भयोः प्रचण्ड



काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले नेकपा एमालेका अध्यक्ष केपी शर्मा ओली प्रतिगमनका नायकको रुपमा देखापरेको आरोप लगाएका छन् ।

शनिबार वाइसिएलको राष्ट्रिय सम्मेलनलाई सम्बोधन गर्दै अध्यक्ष प्रचण्डले संविधान निर्माणपछि देश विकासका लागि कम्युनिस्टहरु एक ठाउँमा आएको भएपनि त्यस्ता नायकहरुका कारण आन्दोलन गर्नुपरेको बताएका हुन् ।

उनले विगतमा कांग्रेसले संसदमा पूर्ण बहुमत प्राप्त गर्दा ५ वर्ष सरकार टिक्न नसकेको घटना यसपटक दोहोरिएको बताए । उनले भने, ‘ कांग्रेसबाट पाठ सिक्छन् भनेर वाम शक्तिलाई एक ठाउँमा राखेमा स्थायित्व होला भन्ने ठानेर प्रस्ताव गरेको थिएँ । तर, दुर्भाग्य अगाडि जान सकेन । अहिले भयानक प्रतिगमनको नाइकेहरू कम्यनिष्ट आन्दोलबाट देखा परे ।’

उनले एमाले अध्यक्ष ओली पाइला पाइलमा ठगी गरेको आरोप लगाए । उनले भने, ‘दुई वर्षमा सरकारको जिम्मेवारी मलाई दिने भने तर दिएनन् । तमसुकमा सही हस्ताक्षर गराए तर कार्यान्वयन गरेनन्।’

उनले प्रतिनिधिसभा पुनःस्थापना नभएको भए मुलुक र संविधान खतरामा जाने ठानेर सडक आन्दोलनमा उत्रिनुपरेको बताए । उनले प्रतिगमनकारीहरु अहिले पनि दाउ हेरेर बसेकाले ढुक्क हुने अवस्था नरहेको बताए ।

उनले भने,‘ पहिलो पटक प्रतिगमनलाई ढाल्यौं भनेर लड्डु खायौं र रिल्याक्स मुडमा बस्यौं । फेरि अर्को पटक टाउकोमा प्रतिगमनकारीले हान्यो । अहिले गठबन्धन छ । ठूलो मिहिनेत र दुःखले बनेको गठबन्धन परिवर्तन र संविधानको रक्षाको निम्ती सुदृढ गर्नुछ । त्यसतर्फ सवै सजग हुनुपर्छ । नत्र कुनै पनि बेला आक्रमण गर्न सक्छ।’

उनले उमेरका हिसावले आफू ७० वर्षको नजिक पुगिसकेकाले पनि अब युवाहरुलाई पार्टीको नेतृत्व लिन आग्रह गरे । उनले भने, ‘संविधान, राष्ट्रियता र लोकतन्त्रको रक्षालाई अघि बढाउने जिम्मा अब तपाइँहरुको हो । उमेरका हिसावले सात दश पुग्नु भनेको उत्तराद्धको समय हो । अब मलाई त राजनीति युवा पुस्तालाई हस्तान्तरण गरेर संस्मरण लेख्ने इच्छा छ ।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
प्रतिनिधिसभा बैठकमा बिहीबार पनि एमालेको नाराबाजी

काठमाडौं । प्रमुख प्रतिपक्षी दल नेकपा एमालेले बिहीबार पनि प्रतिनिधिसभाको बैठक अवरुद्ध पारेको

ऐतिहासिक फैसला गर्ने न्यायाधीशहरुलाई हटाउनुपर्छ भन्ने कुरा नाजायजः माधव नेपाल

कैलाली । नेकपा (एकीकृत समाजवादी) का अध्यक्ष माधवकुमार नेपालले प्रधानन्यायाधीश चोलेन्द्रशम्शेर राणालाई महाअभियोग

कोभिडविरुद्धको खोप लगाउने सरकारी लक्ष्य पूरा गर्ने दिशामा केन्द्रित हुन प्रधानमन्त्रीको निर्देशन

काठमाडौँ । प्रधानमन्त्री शेरबहादुर देउवाले यस वर्षको अन्त्यसम्ममा सबै नागरिकलाई खोप उपलब्ध गराउने

स्पेनका सभामुख नेपाल भ्रमणमा

काठमाडौं । बागमती प्रदेशका सभामुख सानुकुमार श्रेष्ठको निमन्त्रणामा स्पेनका सभामुख ब्लान्का मार्टिन डेल्गाडोको