नेकपा (एकीकृत समाजवादी)लाई झलनाथ खनालको साथ
काठमाडौं । नेकपा एमालेका वरिष्ठ नेता झलनाथ खनालले नयाँ गठन भएको नेकपा (एकीकृत समाजवादी)लाई आफनो साथ रहेको बताएका छन् । भारतको नयाँदिल्लीस्थित एपोलो अस्पतालमा उपचाररत खनालको सचिवालयले शुक्रबार वरिष्ठ नेता खनालको नयाँ पार्टीलाई साथ रहेको जानकारी दिएको हो ।
सचिवालयले भनेको छ, ‘भारतको नयाँदिल्ली स्थित एपोलो हस्पिटलमा उपचाररत पूर्व प्रधानमन्त्री झलनाथ खनालज्यू नयाँ दर्ता भएको नेपाल कम्युनिष्ट पार्टी (एकीकृत समाजवादी) को साथ र समर्थनमा रहनुभएको सम्पूर्णमा जानकारी गराउँदछौं ।’