राजधानी दैनिकका अध्यक्ष शेरचनको कोरोना संक्रमणबाट मृत्यु
काठमाडौं । राजधानी दैनिकका अध्यक्ष महेन्द्र शेरचनको कोरोना संक्रमणबाट मृत्यु भएको छ। बलम्बुस्थित सशस्त्र प्रहरी बलको एपीएफ अस्पतालमा उपचारका क्रममा बुधबार साँझ उनको निधन भएको राजधानी दैनिकले जनाएको छ ।
६७ वर्षीय उनी राजधानी न्युज पब्लिकेशनका संस्थापक अध्यक्ष एवं नेपाली मिडिया सञ्चालकको छाता संगठन मिडिया सोसाइटीका पूर्व अध्यक्ष समेत हुन् । उनका श्रीमती, तीन छोरा र एक छोरी रहेका छन्। शेरचनको आज ११ बजे पशुपति आर्यघाटस्थित इलोक्ट्रोनिक शवदाह गृहमा अन्तिम संस्कार गरिने भएको छ।
