अध्यादेशले नेपालको राजनीतिमा दुःखद परिणाम निम्त्याउँछः गोकर्ण विष्ट
काठमाडौं । नेकपा एमालेका सचिव गोकर्ण विष्टले राजनीतिक दल विभाजनसम्बन्धी अध्यादेश ल्याउने सरकारको निर्णयको विरोध गरेका छन् ।
मंगलबार सामाजिक संजालमार्फत विष्टले अध्यादेशले दलभित्र उत्पन्न हुने अन्तरबिरोध र समस्यालाई दलभित्रै विधिसम्मत ढङ्गले समाधान खोज्नुको सट्टा विभाजनलाई प्रोत्साहित गर्ने बताएका छन् ।
उनले भनेका छन्, ‘राजनीतिक अस्थिरता, अन्यौलता र अराजकता सृजना गर्नेछ । दलहरुप्रति विकर्षण र वितृष्णा पैदा गर्नेछ । अन्ततः यसले नेपालको राजनीतिमा दुःखद परिणाम निम्त्याउने छ । यसप्रकारको प्रतिगामी निर्णयको सबैले बिरोध गरौँ । फिर्ता लिन बाध्य पारौँ ।’
