थप १४२ जनामा कोरोना संक्रमण, २०६ जना संक्रमणमुक्त

काठमाडौं । नेपालमा थप १४२ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप १४२ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २७१४३१ पुगेको छ ।

त्यसैगरी बुधबार थप २०६ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २६७०६५ पुगेको छ । पछिल्लो २४ घण्टामा कोरोना संक्रमणबाट थप एक जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या २०३१ पुगेको छ । क्वारेन्टाइनमा ९५ जना रहेका छन् भने आइसोलेसनमा २३३५ जना सक्रिय संक्रमित रहेका मन्त्रालयले जनाएको छ ।