विमानस्थल ग्राउन्ड ह्यान्डलिङको जिम्मा यति समूहको हिमालय एयरलाइन्सलाई

काठमाडौं । सरकारले त्रिभुवन अन्तर्राष्ट्रिय विमानस्थलको अहिलेसम्म ह्याण्डलिंग गरिरहेको सरकारी ध्वजाबाहक नेपाल एयरलाईन्सबाट खोसेर यति समूहको हिमालय एयरलाइन्सलाई दिएको छ । राष्ट्रिय ध्वजाबाहक नेपाल वायु सेवा निगमको अर्बौं आम्दानी गुमाउने गरी ह्यान्डलिङ सेवा हिमालयलाई दिएको हो ।

नागरिक उड्डयन प्राधिकरणले असोज ४ मा नेपालको यती समूह र चीनको तिब्बत एयरलाइन्सको लगानी रहेको हिमालय एयरलाइन्सलाई त्रिभुवन अन्तर्राष्ट्रिय विमानस्थलमा आफ्ना विमानको ग्राउन्ड ह्यान्डलिङ गर्ने अनुमति दिएको हो ।

हिमालयले निवेदन दिएको पाँच दिनमै ह्यान्डलिङको अनुमति पाएको छ । भदौ ३१ गते निवेदन दिएको हिमालयलाई प्राधिकरणले असोज ४ गते अनुमति दिएको हो । प्राधिकरणले हिमालयलाई स्विकृति प्रदान गरेको पत्रमा ‘नेपाल नागरिक उड्डयन प्राधिकरणको मिति २०७७ असोज ४ मा महानिर्देशक स्तरको निर्णयानुसार नेपाल नागरिक उड्डयन प्राधिकरण वायु यानहरुको भूमिस्थ प्रवन्ध (ग्राउन्ड ह्यान्डलिङ) तथा अन्य भूमिस्थ सेवा सञ्चालन निर्देशिका, २०७२ अनुसार त्रिभुवन अन्तर्राष्ट्रिय विमानस्थलमा अन्तर्राष्ट्रिय वायुयानको ‘सेल्फ ग्राउन्ड ह्यान्डलिङ’ प्रमाणपत्र प्रदान गरिएको व्यहोरा निर्देशानुसार जानकारी गराइन्छ,’ भनिएको छ।
हेर्नुस प्राधिकरणको निर्णय