निजी अस्पतालले अब २० प्रतिशत शैया कोभिड व्यवस्थापनका लागि छुट्याउनुपर्ने

काठमाडौं । स्वास्थ्य तथा जनसंख्या मन्त्रालयले २० प्रतिशत शैया कोरोना भाइरस व्यवस्थापनका लागि छुट्याउन निजी अस्पताललाई निर्देशन दिएको छ ।

घनाबस्ती भएका जिल्ला र सहरहरुमा संक्रमण वृद्धि भएको तथा काठमाडौंमा शैया अभाव हुँदै गएको भन्दै मन्त्रालयले निजी क्षेत्रका अस्पताललाई समेत २० प्रतिशत शैया कोभिड व्यवस्थापनका लागि राख्न निर्देशन दिएको हो । कुनै पनि अस्पतालमा भर्ना भएका बिरामीलाई कोभिड १९ संक्रमण पुष्टि भए हब अस्पतालको समन्वय बिना रिफर नगर्न पनि मन्त्रालयका प्रवक्ता डा. जागेश्वर गौतमले अनुरोध गरेका छन् ।