कोरोना संक्रमणबाट थप एक जनाको मृत्यु, मृतकको संख्या ४३ पुग्यो

वीरगञ्ज । कोरोना संक्रमणबाट नेपालमा थप एक जनाको मृत्यु भएको छ । कोरोना संक्रमणबाट पर्साका एक पुरुषको मृत्यु भएको हो ।

पर्साको माईस्थानका पुरुषको उपचारको क्रममा मंगलबार मृत्यु भएको हो । निमोनिया र श्वासप्रश्वासको समस्याबाट ग्रस्त भएपछि साउन ५ गते वीरगंजस्थित एडभान्स हस्पिटल पुगेका उनलाई त्यहाँबाट कोभिड अस्पताल रिफर गरिएको थियो ।

उनको स्वाब संकलन गरी नारायणी अस्पताल पठाइएकोमा उनमा कोरोना पोजेटिभ देखिएको नारायणी उपक्षेत्रीय अस्पतालका मेडिकल सुपरिटेन्डेन्ट डा. मदनकुमार उपाध्यायले जानकारी दिएका छन्। । योसँगै नेपालमा कोरोना संक्रमणबाट मृत्यु हुनेको संख्या ४३ पुगेको छ ।