कोरोना संक्रमणबाट महोत्तरीका एक पुरुषको मृत्यु

महोत्तरी । कोरोना संक्रमण देखिएका महोत्तरीका एक पुरुषको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको छ । महोत्तरीको महोत्तरी गाउँपालिका–३ का ६० वर्षीय पुरुषको निधन भएको हो । साउन एक गते प्रतिष्ठानको कोभिड अस्पतालको आईसोलेशनमा भर्ना भएका उनको मंगलवार राति निधन भएको प्रतिष्ठानको मेडिशन विभाग प्रमुख प्रा.डा संजिवकुमार शर्माले जानकारी दिएका छन् ।

उनको पीसीआर रिपोर्ट कोरोना पोजेटिभ देखिएको डा.शर्माले जानकारी दिए । यसअघि प्रतिष्ठानमा सप्तरीका एक पुरुषको निधन भएको थियो । प्रतिष्ठानमा हाल ११ जना कोरोना संक्रमितको उपचार भैरहेको छ । प्रतिष्ठानमा उपचारका लागि भर्ना भएका २ सय ६७ जना भने कोरोना जितेर डिस्चार्ज भईसकेका छन् ।