फौजी किराको प्रकोपले स्याङ्जाका किसान चिन्तित

स्याङ्जा । स्याङ्जाको गल्याङ नगरपालिका भित्रका कृषकका मकैमा देखिएको फैजी किराको प्रकोपले कृषकलाई चिन्तित बनाएको छ । गतवर्ष देखि देखापरेको यो प्रकोप अधिकांस कृषकको मकै खेतीमा देखापरेको छ । पुतलीको माध्यमबाट सजिलै सर्नसक्ने यो रोगको प्रकोप बढेसंगै यहाँका कृषक बिषादि छर्नमा ब्यस्त भएका छन् ।

यति धेरै दुःख गरेर लगाएको खेतीनै किराले नष्टगर्न थालेपछि बिषादी छर्न थालेको गल्याङ नगरपालिका वडा नम्बर ३ का माधव भण्डारीले बताए । बिषादीको अभाव हुँदा पुरै मकैमा छर्न नपाएको उनको गुनासो थियो । त्यसै उक्त वडाकै अर्का कृषक श्यामसुन्दर बस्यालले पनि यस्तै प्रकोप फैलिदै गए खेती घर भित्राउन नपाउने भन्दै मकैमा बिषादी छरेको बताए ।

करिब आठ रोपनी जग्गामा भएको मकै खेतीमा सबैमा देखिएको हुँदा बाध्य भएर यस्तो गर्नुपरेको उनको भनाइ थियो । बिषादी छर्केको दुई दिनसम्म पनि रोग निवारण नहुदा चिन्ता बढेको अर्का कृषक विष्णु बस्यालको भनाइ छ । उक्त किराले पहिलो चरणमा पात खाने र दोस्रो चरणमा गुभो खाएर मकै नष्ट पार्ने भएको हुँदा बेलैमा सजक हुन कृषकलाई गल्याङ नगरपालिका कृषि शाखाका प्रमुख शिब ढकालको सुझाव छ ।