सरकारको प्रक्षेपण अनुसार राजश्व असुल असम्भवः सांसद चौधरी
काठमाडौं । नेपाली कांग्रेसका सांसद विनोद कुमार चौधरीले सरकारले प्रक्षेपण गरे अनुसार आगामी आर्थिक बर्षमा राजश्व असुल हुन नसक्ने बताएका छन् । प्रतिनिधिसभाको आइतबारको बैठकमा सरकारको आगामी आर्थिक वर्षको बजेटमाथिको छलफलमा भाग लिँदै चौधरील १० खर्बको राजश्व संकलन हुने सरकारको प्रक्षेपण सफल नहुने बताएका हुन् ।
कोरोना संक्रमण महामारी नियन्त्रण तथा रोकथामका लागि सरकारले गरेको लकडाउनका कारण उद्योग व्यवसाय ठप्प रहेको अवस्थामा म्ुलुकको अर्थतन्त्रको यथार्थ धरातल विर्सेर राजश्व संकलनको अपेक्षा मात्रै बढाउनु व्यवहारिक नभएको चौधरीले बताए ।
आगामी दिनहरु अत्यन्तै कठिन बन्ने र आधा भन्दा बढी रेमिट्न्समा प्रभाव देखिने भन्दै चौधरीले रोजगारी गुमेकाको जिविकोपार्जनलाई नै सरकारले पहिलो प्राथमिकतामा राख्नुपर्ने बताए ।
चौधरीले सरकारले घोषणा गरेको राहत कार्यक्रममा यातायात, शिक्षण संस्था, निर्माण र ठूला आयोजना समावेश नभएकाले ती क्षेत्र धरासायी बनेमा त्यसको प्रभाव बैकिङ्ग क्षेत्रमा पनि पर्ने बताए ।
