डिभिजन वन कार्यालय दोलखाकी प्रमुख दुई लाख घुससहित पक्राउ
काठमाडौं । अख्तियार दुरुपयोग अनुसन्धान आयोगले डिभिजन वन कार्यालय दोलखाकी प्रमुख उपसचिव (डीएफओ) सन्तमाया श्रेष्ठलाई २ लाख रुपैयाँ घुससहित पक्राउ गरेको छ ।
उनीसहित तीन जना भक्तपुर गठ्ठाघरबाट पक्राउ परेका हुन् । अख्तियारका प्रवक्ता प्रदीपकुमार कोइरालाका अनुसार दोलखाबाट काठमाडौं आइरहेको बा१झ ७६८५ नम्बरको सरकारी गाडीबाट श्रेष्ठसहित तीनजनालाई घुस रकम २ लाख तीन हजार रुपैयाँसहित बिहीबार साँझ नियन्त्रणमा लिइएको हो ।