यति होल्डिङ्सबारे श्वेतपत्र जारी होस्ः सांसद पाण्डे
काठमाडौं । नेपाल कम्युनिष्ट पार्टीकी सांसद विन्दा पाण्डेले यति होल्डिङ्सबारे श्वेतपत्र जारी गर्न सरकारसँग माग गरेकी छन् । प्रतिनिधिसभाको बुधबारको बैठकमा पाण्डेले दैनिकजसो समाचार बनेको यस विषयकाबारेमा यथार्य जानकारी गराउन माग गरेकी हुन् ।
उनले भनिन्, ‘दैनिक जसो समाचार बनिरहेको यति होल्डिङ्सको बारेमा श्वेतपत्र जारी गरी वास्तविकता केहो भन्ने बारेमा आम नागरिकलाई जानकारी गराउन नेपाल सरकारसँग माग गर्दछु ।’
त्यसैगरी उनले वाइडबडी, तारागाउँ, आयल निगम जग्गा अनियमिततालगायतका प्रकरणलाई प्राथमिकताका साथ अनुसन्धान गरेर यथासक्य तथ्य बाहिर ल्याउन पनि उनले माग गरेकी छन् ।
पाण्डेले ललिता निवास जग्गा हिनामिना प्रकरणमा सरकार, अख्तियार दुरुपयोग अनुसन्धान आयोग र सञ्चार जगतलाई धन्यवाद दिँदै यस प्रकरणमा निर्दोष कोही पर्न नहुने र दोषी उम्कन नहुने बताइन् ।
