अख्तियार प्रमुखमाथि महाअभियोग लगाउन सांसद गिरीको माग
काठमाडौं । समाजवादी पार्टीकी सांसद सरिता गिरीले संसदले ललिता निवास जग्गा प्रकरणमा अख्तियार दुरुपयोग अनुसन्धान आयोगका प्रमुख आयुक्त र आयुक्तहरुमाथि महाअभियोग लगाउनुपर्ने बताएकी छिन् ।
मंगलबारको प्रतिनिधिसभा बैठकमा बोल्दै सांसद गिरीले अख्तियार प्रमुख र आयुक्तहरुले इमान्दारितका साथ काम नगरेकाले महाअभियोग लगाउनुपर्ने बताएकी हुन् । उनले राजनीतिक नियुक्तिमा लेनदेन हुने गरेकाले सदनप्रति विश्वास घटिरहेको बताइन् ।
उनले विष्णु पौडेलका छोरा र सर्वोच्च अदालतका न्यायाधीशमाथि जग्गा फिर्ता गर्दा मुद्दा नचलेको बताइन् । उनले भनिन्,‘हाम्रो पार्टीका नेता तथा पूर्वप्रधानमन्त्री डा. बाबुराम भट्टराईले ललिता निवास प्रकरणमा आफू दोषी भए कारबाही भोग्न तयार छु भन्नु भएको छ, त्यसैले सरकारले यसमा जोडिएका अरुलाई पनि छानविनको दायरामा ल्याओस् ।’
