प्रेस स्वतन्त्रता सेनानी पन्नालाल गुप्ताको निधन

नेपालगंज । बाँकेका अग्रज पत्रकार तथा प्रेस स्वतन्त्रता सेनानी पन्नालाल गुप्ताको निधन भएको छ । बुधबार साँझ उपचारका क्रममा ९२ वर्षीय गुप्ताको निधन भएको हो । गुप्ताका छोरा तथा पूर्वनगरप्रमुख विजयकुमार गुप्ताले उपचारका क्रममा बुवाको निधन भएको जानकारी दिनुभएको छ । केही वर्षयता रोगले थलिएका सेनानी गुप्ताले बुधबार साँझ उल्टी गरेपछि अस्पताल लगिएको थियो ।

नेपालगन्जको पत्रकारिता अलग्गै पहिचान बनाउनुभएका गुप्ता किरण साप्ताहिकका सम्पादक थिए । पत्रकारितामा गुप्ताको योगदानको कदर गर्दै नेपाल पत्रकार महासंघले दशकअघि उनलाई सेनानीको उपाधि दिएको थियो ।